انتي طالق طالق طالق

خلاص ياشيخ ارتحت منها ومن مشاكلها

الاولاد (طـــــــز) اجيب لهم شغاله تصرف امورهم

مستحيل اردها لو ايش

ارجوك لو سمحت انتهى الموضوع

يرضيك ..

الاقيها تفتش جوالي

يرضيك ..

تفتش محفظتى

يرضيك..

ترفع صوتها عليه وتسب وتشتم

والجيران اذنهم على الجدار يسمعون

يرضيك..

ما تهتم بنفسها الا في الزواجات

يرضيك..

طول اليوم مالها نفس في شي

يرضيك..

ماعندها شغله الا وين كنت طول اليوم

ماعندك عيال تشوف طلباتهم ومدارسهم

يرضيك..

اجي من العمل تعبان مرهق منهد حيلي

وهي تقول لا تنسى اليوم

بروح لبيت خالتي ولا لهلي ولا السوق

شايفتنى جاي تعبان

مالي خلق اسمع شي ولا اقول شي

لا تعرف تختار الوقت المناسب لطلباتها

يرضيك..

غرفة النوم يعنى للجو الهادي الرومنسي الجميل

تخيل اش تقولي وانا حاضنها

لا تنسى اسطوانة الغاز تاخذها معك اذا خرجت

لعنبو دارك هذا وقته هالحين

يرضيك ..

اذا جاء وقت الاجار

وصاحب البيت عند الباب اقولها حبيبتي

معليش مقدر اعطيك مصروفك الشخصي

بكمل فيه الاجار تخيل تقولي

لا حبيبي موشغلي

انت عارف انى محتاجته حيل هالشهر

وخذ يامحاضره .

طيب مو انتى بتورثي كل راتبي

انتى وعيالك اذا.. مت

يرضيك ..

من تزوجتها وهذي حياتي معها

......

ياخي ابي احس انى متزوج وعايش جو خيالي

ادري ان المشاكل الزوجيه ملح الحياة

بس هالحرمة جننتني

سؤاااااااااااااال

ليش ادارة التعليم ما يحطو منهج

في الكتب يكون اسمه ( كيف تكوني اسرة)

او كتاب اسمه اسرتي السعيدة

وكذالك عند الطلاب

والكتاب من اربع فصول في منهج البنات

حتى عند اللي تحضر الدكتوراة

فصل منهوا الرجل...من تكوينه شخصيته...

تفكيره... شغلته اللي خلق الله لها كزوج وكرجل

كل شي عنه حتى مماته..

ويش يصير بالاسره اذا فقد عائلها

حتى تعرف كم هو مهم بالاسره

وكذلك عند الطلبه حتى عند اللي يحضر الدكتوراة

..منهي المرأه من تكوينها شخصيتها ..تفكيرها ..

شغلتها اللي خلقها الله لها

كل شي عنها حتى مماتها ..

ويش يصير بالاسره اذا فقدة الام

حتى يعرف الرجل كم هي مهمه

ولكن بما ان الجهل بهذا الطريقه

راح تكون الاسر في مشاكل زوجيه

ياخي رحت محكمة الطلاق

كاني في بنك الراجحي

ولا مكتب الاستقدام من كثرة المراجعين

اش هذا وكلهم طلاق

اللي توة متزوج واللي له كم سنه

واللي صدمنى شاااااااااااااااااايب

يقول خلالالالالالالالالاص الخلاص

ياناس ياهوه نبي حل

هذا هو ملخص حياتنا اليوميه

اصبح عدد حالات الطلاق

اكبر من سلم رواتبنا الشهري..

رساله الى المشايخ والعلماء والمفكرين

بدل ما تقعدوا كل يوم تقولون سواقة المرأة

والحجاب وسفر المرأة من غير محرم

اخترعوا لنا كتاب في منهج الطلبه والطالبات

من خلال قصص الحياة الزوجيه

واللتي لم يكتب لها النجاح

وخذوا منها العبر والشواهد

اللي تدور في اروقة المحاكم عندنا .

ودرّسوها عيالنا وبناتنا حتى شيبانا وعجايزنا

في محو الاميه يمكن كل يلاقي له حل

في مشكلته ان كان يشكون من شي

واهم فصل في الكتاب

تحطون من عشر صفحااات

للمرأه..

وفهموها وقولوا لها المثل يقول

( نار زوجي ولا جنة اهلي)

وفهمو الرجل .. انه من غير حرمه ماله حرمه

يعنى ماله مكانة بين المجتمع والدليل العزوبي

( ممنوع الدخول ..منطقة عوائل)

رح تزوج وتعال نحطك بعيوننا